Loma 16:1-14

¹Nouta Pibe u Kenekeleya numa dalabu tu galena itete apo ina nehi yaka ona kaoheya.

²Guyau gowanei ona waya mei Yaubada tu wiwoiyawena he dewadewa pite po hagu awai uyahimi ina luhogaleya yaka ona weleya. Matababana tauna tunawana lawa magomagouhi i haguhi po gasi tau i haguwe.

³U lawa Pilisila ma Akwila to wobagibagi gogona Keliso Yesu binei a mamalihi.

⁴Tauhi u luyagohana notana ma hai luyagohana hi palihalehi. Ega tau tunawau ma tauhi ega mi Yudeya ma tu witumagana ubeiyai hi palipalihalena mehi, i wimaamala uyahihi.

⁵Ma bolu Pilisila ma Akwila hai u numa he yamboina a mamalihi. Tula dumau Epineto tauna Keliso tu witumaganenana tahatahayana Aisiya u tupona a mamali.

⁶Maliya taumi ubeimi i wobagibagi kadidili a mamali.

⁷Ma Anitiyoka po Yuniyasi gasi a mamalihi. Tauhi u guguni lawahi po mitehi hoi numa panipani to memae. Tu wituwetuwega u hayahi tauhi hi hanapugena dumahi po tauhi Keliso a bolu u hinena hi lui tahaya ma apoma tau.

⁸Guyau tu wotagona Apiliyata tula dumau a mamali.

⁹Ebana to wobagibagi gogona Keliso binei a mamali po gasi Siteikai tula dumau a mamali.

¹⁰Apelesi tauna Keliso i kawaidumalugeya a mamali. Iyawoi tauhi Alisitobu a manago lawahi a mamalihi.

¹¹Helodiyani tauna u guguni gehouna a mamali po gasi Guyau tu witumaganena Nakaisasi a manago lawahi a mamalihi.

¹²Naka Guyau a tu bagibagi wiwinehi Talapaina po Talaposa a mamalihi. Ma nouta Pesisi tauna Guyau a tu bagibagi kadikadidilina a mamali.

¹³Lupasi tauna Guyau i inagani a mamali po gasi hinana tauna i woimahiyeu po mei tau natuna dumana a mamali.

¹⁴Asikilita po Pelegona po Hemesi po Patobasi po Hemasa po walewalehita tu witumagana atapuhi tauhi mitehi a mamalihi.