Lom 11:6-9

⁶Lêc Anutu o vɨnoo he ên yuac nivɨha wê he vông ge lêm. Nge, ici va vɨnoo he tɨyi xocbê vông vɨzid pɨleva vô he ge. Ên Anutu obêc vông vɨzid vô he lec yuac nivɨha wê he vông ge od obêc tɨyi xocbê he kɨsuu ya yuac nivɨha wê he vông ge. Lêc o ngwe bêge lêm. Nge, Anutu vaci vông pɨleva vô he.

⁷Om il ob xovô bêga bê xomxo Islel myag môp wê Anutu ob yê he nivɨha lec ge, lêc he o tulec lêm. He vɨlu bed wê Anutu vɨnoo he ge, he tulec. Dom he tɨbeac vô nɨnya kɨtu vô Anutu kɨyang,

⁸tɨyi xocbê kɨyang wê yêp vac xolac bêga nêbê, “Anutu vông he nɨlô tɨyi xocbê he yêp ge om he manôn o yê susu ti lêm, dɨ he nɨnya o ngô kɨyang ti lêm, om he dô lung lung dɨ i val tyip lec gwêbaga hɨxôn.”

⁹Nang dêc Devit êno nêl kɨyang lec he Islel bêga nêbê, “Vɨzid wê he myêl mɨ ya ge, i tɨyi xocbê pulac wê he ob vac ge, me xocbê lôva wê he ob tô dɨ vac kɨpêd ge, me leac wê ob ku he xôn ge, ên i vông myavɨwen vô he.