Locasiicha Laenai 3:10-36

¹⁰“Chatohanai jana icharihacaanu canacaanuta,” naain caje bajaauruhane jaun jetaote:

¹¹“Coroatajaain obiri siricha, nii obiri colane nenaa rai leinjiin teeine. Chaen lenone siricha, nii lenone colane nenaa rai teeinera,” nae jetao acaauru rai Joaan.

¹²Nii jana jetaote, Roma curuaanaa rai impoesto nuque cachaauru cobaraain coriqui bajaaurera tabaauru netonai, acaauru baotisaa Joaan necoina turuhin jetao: “Chatohanai jana ichariacaanu canacaanuta cacha relaera,” naauruhane jana jetao:

¹³“Jiaonriha aitocuruha inara curuaanaacurune amuritoojoaain cachaauru cobaraain leruhin basijiauhichenera,” naa acaauru rai Joaanne jana jetaote:

¹⁴“Chatohanai jana icharihacaanu canacaanuta,” naain caje bajaauruha soondarooru tabaaurune jana jetaote: “Jiaonriha chatohanai ichaeniha chunine jana coulurujeein sonaa coacuhin cotaain niicha sirii rulunaa coauquichene. Inara amihaneeo corenihacha ichaaochera,” naa Joaanne jana jetaote,

¹⁵jataain turuha Mesihasine cohajeeuruhane jaun jetao: “Caa canaacha cohajei Mesihasi chara inae caa turuera,” naain jetao ita caje Joaan bajaaure nii ecu neein coarajeeurera cachaauru.

¹⁶Niritiin ita caje bajaauruhane jaun jetaote, acaauru rai: “Canune esinae rauhijiriin, raujiaain acauhanau inara teein inara baotisaaun. Jana nii cacaaijie uhenite, Cana Coaunera Suujue, usi, naaonjoain que inara baotisaa ureein. Acate jataain camurijiriin nelateein cocoainaain letononeein ne. Nii rai safato ichora rutueranuque nihanatiin nelatejeehaaun.

¹⁷Chaentechu leinjiin inaro uhareein que aroso jiatuhin rai caohacha raain, rai bano mocoha charijibana jacanaacharanejeein nenaa usihanaau teeine coina. Nii rijijieeinte, nii jeriha Cana Coaunerane rijijieein nenaa jeriheichuru mocoha cureein, jerihane rijijieein nenacaauru janijiin raaincha,” nae jetao satiin ecu rene turunacaauru cachaauru rai Joaan.

¹⁸Niritiin acaauru suujuateein jetaote, acaauru rai Cana Coaunera beratenojoi Jesoso que Erenaa Raotono beebeje Joaan.

¹⁹Chaen jetaotechu, coberenadoro Erodesi netonoai suujuate, rai nocoala Ferifi comasai Erodiasi siria comasaineeine jaun, chaen itolere baasooru ichaain nihane jianihane coina.

²⁰Nejetaote, nitohaneein nii baaso ichaane ichoae tacaain, caresero cuhane Joaan enoae, rai niritohane coreniha.

²¹Nitohaneein jetaote, jaiti caresero cuhane enoaeniha Erodesine jana, acauhanau satiin cachaauru teein cojunacatenaaca acaauru baotisarejete Joaan. Nitohaneein cachaauru baotisaa Joaanne jana jetaote, Jesoso netonai nebaotisaerateein Cana Coaunera bajaane jana, nejoracaa dede bacuujuane jana jetao,

²²nichoae fauhin nelauriaa uhe inanacaain Cana Coaunera Suujue leinjiin serori rijijieein. Nii jana jetaote: “Iite acaihaniji quiicha jereei, quiicha janijiin cacalabineein neeicha,” naain toniha erenaa dedeeune jana jetao aonajeeure.

²³Inae nii Cana Coauneraacha icharatenohin namihaneeon nunuhetihane bana jetaote, nichata choonca jaanaca nelu- nii Jose calaohi niha acaauruacha bei Jesoso. Nii jana nii Jose jetaote Eli calaohi nelu.

²⁴Jana Mataa calaohilu jetao Eli. Jana Lebi calaohilu jetao Mataa. Jana Meriqui calaohilu jetao Lebi. Jana Janaa calaohilu jetao Meriqui. Jana Jose calaohilu jetao Janaa. Jana Matatiasi calaohilu jetao Jose.

²⁵Jana Amoso calaohilu jetao Matatiasi. Jana Naaoso calaohilu jetao Amoso. Jana Esili calaohilu jetao Naaoso. Jana Nacaai calaohilu jetao Esili.

²⁶Jana Maati calaohilu jetao Nacaai. Jana Matatiasi calaohilu jetao Maati. Jana Semei calaohilu jetao Matatiasi. Jana Jose calaohilu jetao Semei. Jana Jodaa calaohilu jetao Jose.

²⁷Jana Joanaan calaohilu jetao Jodaa. Jana Resaa calaohilu jetao Joanaan. Jana Sorobaberi calaohilu jetao Resaa. Jana Salatieli calaohilu jetao Sorobaberi. Jana Neeri calaohilu jetao Salatieli.

²⁸Jana Meriqui calaohilu jetao Neeri. Jana Adiin calaohilu jetao Meriqui. Jana Cosamii calaohilu jetao Adiin. Jana Eremadaan calaohilu jetao Cosamii. Jana Eri calaohilu jetao Eremadaan.

²⁹Jana Jesoso calaohilu jetao Eri. Jana Eliseri calaohilu jetao Jesoso. Jana Jorimi calaohilu jetao Eliseri. Jana Mataa calaohilu jetao Jorimi.

³⁰Jana Lebi calaohilu jetao Mataa. Jana Simeon calaohilu jetao Lebi. Jana Jodaa calaohilu jetao Simeon. Jana Jose calaohilu jetao Jodaa. Jana Jonaaun calaohilu jetao Jose. Jana Eliaquiin calaohilu jetao Jonaaun.

³¹Jana Meleea calaohilu jetao Eleaquiin. Jana Mena calaohilu jetao Meleea. Jana Matata calaohilu jetao Mena. Jana Nataan calaohilu jetao Matata.

³²Jana Rabiri calaohilu jetao Nataan. Jana Isaihasi calaohilu jetao Rabiri. Jana Oberi calaohilu jetao Isaihasi. Jana Bosi calaohilu jetao Oberi. Jana Sala calaohilu jetao Bosi. Jana Nasoon calaohilu jetao Sala.

³³Jana Aminadaba calaohilu jetao Nasoon. Jana Admin calaohilu jetao Aminadaba. Jana Esroon calaohilu jetao Armi. Jana Faresi calaohilu jetao Esroon. Jana Jodaa calaohilu jetao Faresi.

³⁴Jana Jacobo calaohilu jetao Jodaa. Jana Isaca calaohilu jetao Jacobo. Jana Abaraaun calaohilu jetao Isaca. Jana Tare calaohilu jetao Abaraaun. Jana Nacoro calaohilu jetao Tare.

³⁵Jana Seroo calaohilu jetao Nacoro. Jana Raco calaohilu jetao Seroo. Jana Fele calaohilu jetao Raco. Jana Eberi calaohilu jetao Fele. Jana Sala calaohilu jetao Eberi.

³⁶Jana Cainaa calaohilu jetao Sala. Jana Arafasa calaohilu jetao Cainaa. Jana Sem calaohilu jetao Arafasa. Jana Nohe calaohilu jetao Sem. Jana Lamee calaohilu jetao Nohe.