Livitikasi 6:24-29

²⁴Zama ia Zihova se Mosese,

²⁵pude valani koe Eroni meke sari na tuna koreo sari na tinaraedi rina vina vukivukihi tadi na sinea hire: Sa vina vukivukihi tana sinea si kaqu tava mate pa kali gedena sa hope, vasina hoke va matei rini sari vina vukivukihi va uququ. Na vina vukivukihi hopena hola si asa.

²⁶Kaqu hena ia sa hiama sa vina vukivukihi uququ asa pa keke vasina hopena koasa pavasa tana Ipi Hopena pa kenuna e Zihova.

²⁷Be keke tie babe keketoṉa sapu lopu hopena si tiqua sa masana sa kurukuru, si kaqu hopena tugo si asa. Be kasuria ehara kurukuru si keke poko si kaqu ta popaha va via pa keke vasina hopena si asa.

²⁸Be ta raro va qototo sa masana koa keke raro patu, si kaqu ta poraka si asa, babe keke raro aeana si ta rararoe, si kaqu ta ṉuzapa meke va via nia kolo si asa,

²⁹Doduru koreo koari na tatamana hiama si boka hena ia sa masa sana sina hopena si asa.