Lipitikase 23:15-18

¹⁵Koro petenge yuu gii dokopa yangamana witi jingi yama mende namba jepala dokopa koro yanda ipingi ingilyape lao yaka lao kararami.

¹⁶Koro yanda ipingi paparamopa dee yangama (yuu gii 50) dokopa namba Kamongo doko witi enenge lapo jerami.

¹⁷Ree palu mendaki mendaki laome borete lama lama lao minyuo epo bange angi jilyamanoŋo lao soo jerami. Palawa kilokerame lama nyepala isi kuki pyambuo borete mendaki mendaki lao waso kisapala nakamame witi wambo wambu piyamo jiyaminyili pyuo namba Kamongo dokona lao jerami.

¹⁸Bange lapo opetae konda pyuo kiso jepenge. Nakamame sipisipi yakane yanda ipingi nyepo ee kana mendaki pasipi bulamakao kali mendaki meme lamape pyao jerami. Mena mumba palyuo yanyi nyuo pisi dupwa jii narami. Bange dusipa Kamongo keta minyuo epo isareme kiso sunjura pinyi nembo jerami. Joo karo dokopa waene witipi opetae dokona konda pyuo jerami. Dokona kyaa dokome namba Kamongo dokome epe soo kararo.