Lifitikos 9:7-9

⁷Mürin, Moses a üreni Aaron, “Kopwe kan ngeni ewe rongen asor o eäni om asoren tipis me om asoren kek, pwe kopwe föri asoren amusamusen tipis fän itom me ekewe aramas. Kopwe pwal eäni ewe asor fän iten ekewe aramas o föri asoren amusamusen ar tipis, usun ewe Samol mi Lapalap a fen allük.”

⁸Iwe, Aaron a kan ngeni ewe rongen asor o niela ewe nienifön ätemwänin kow, pwe epwe eäni asoren tipis fän püsin itan.

⁹Nge nöün Aaron kewe mwän ra uwato chan ewe mönün asor ren. Iwe, Aaron a otukalong aütün lon ewe cha o tofi ngeni mächän ewe rongen asor, nge lusun a ninätiu lepopun ewe rongen asor.