Lifitikos 7:6-10

⁶Iteiten ekewe mwän mi wiseni ewe wisen souasor ra tongeni mongö seni ewe asor. Nge repwe chök mongö lon eu leni mi pin, pun eu asor mi unusen pin.

⁷Mi wor eu chök allükün asoren pupungau me asoren tipis: Ewe souasor mi föri ewe asoren amusamusen tipis epwe eäni fituken ewe mönün asor.

⁸Iwe, ewe souasor mi föri än ekewe aramas asoren kek epwe eäni silin ewe mönün asoren kek.

⁹Iteiten asoren mongö mi um pwal meinisin mine a kuk lon nape ika furain lon furaipan epwe fän iten ewe souasor mi föri ewe angangen asor.

¹⁰Nge ekewe asoren mongö resap mwot, ese lifilifil ika mi nofit ngeni apüra ika resap nofit, repwe fän iten nöün Aaron kewe mwän meinisin, epwe inetöchfengen lefiler.