5Iwe, fansoun ämi wichi umwun wiich epwe soposopola tori fansoun ämi kini föün irän wain, nge fansoun ämi kini föün irän wain epwe soposopola tori fansoun ämi fofot. Iwe, epwe wor chomong enemi mongö, oupwe pwal nom lon fanüemi fän kinamwe.
6Üpwe fang ngenikemi kinamwe lon ewe fanü, oupwe konola o annut, nge esap wor eman epwe eniwokusukemi. Üpwe atoaua seni ewe fanü manmwacho, esap pwal chüen fis maun lon fanüemi.
7Oupwe tapweri chon oputakemi ren ketilas, nge ir repwe kuf remi.
8Iwe, limman senikemi repwe akufu ipükü, nge ipükü repwe akufu engol ngeröü. Iei usun chon oputakemi repwe kuf remi lon maun.
9Üpwe ümöümöch ngenikemi, üpwe aupukemi o achomongakemi, üpwe pwal apwönüetä ai pwon ngenikemi.
10Räsin fanüemi epwe fokun chomong, pwe oupwe chüen mongö mongön ewe ier a la tori oupwe aturala ewe mongö minen lom seni ämi lenien iseis, pwe epwe wor lenien ewe mongö mi fö.
11Iwe, üpwe imweimw lefilemi lon imwei mi pin, nge üsap oputakemi.
Lifitikos 26
Lifitikos 26:5-11