Lifitikos 25:23-26

²³Iei mine ousap amömö ewe fanü tori feilfeilachök. Pun ei fanü fanüen Kot, nge ämi oua usun chök chon ekis me chon siamü won.

²⁴Ei allük a fän iten unusen ewe fanü oua fanüeni, pwe oupwe mwütätä ngeni ätewe a amömöla fanü pwe epwe fanüenisefäli.

²⁵Iwe, are eman chon Israel a wöüngauala o amömöla eu kinikinin fanüan, eman fitukan epwe feito o mönisefäli mine pwin a amömöla.

²⁶Nge are esap wor eman fitukan epwe tongeni möni, püsin i a tongeni mönisefäli, lupwen a wor an tufich.