Lifitikos 22:18-20

¹⁸pwe epwe ngeni Aaron me nöün kewe mwän pwal ekewe aramasen Israel meinisin ekei allük: Are eman me lein chon Israel ika eman me lein ekewe chon ekis mi wasöla lon Israel a uwato an asor ngeni ewe Samol mi Lapalap, ese lifilifil ika mön eu pwon ika eu asor seni püsin letipan pwe eu asoren kek,

¹⁹epwe chök uwato eman ätemwänin kow ika sip ika kuuch esap wor terin, pwe Kot epwe etiwa.

²⁰Iwe, ousap eäni asor eman man a wor terin, pun Kot esap etiwa ei sokun asor senikemi.