Text copied!
CopyCompare
Paipel - Lifitikos - Lifitikos 19

Lifitikos 19:1-33

Help us?
Click on verse(s) to share them!
1Iwe, ewe Samol mi Lapalap a kapas ngeni Moses,
2pwe epwe üreni ekewe chon Israel meinisin, “Ämi oupwe pin, pun ngang ewe Samol mi Lapalap ämi Kot üa pin.
3Iteiten eman me eman epwe meniniti inan me seman. Oupwe pinini ai kewe ränin sapat, pun ngang ewe Samol mi Lapalap ämi we Kot.
4Ousap kul seniei o fel ngeni uluulun anümwäl, ousap pwal föri fän itemi uluulun kot seni mächä, pun ngang ewe Samol mi Lapalap ämi we Kot.
5Lupwen oupwe eäni asoren kinamwe ngeniei ngang ewe Samol mi Lapalap, oupwe föri pwüngün ewe asor, pwe ngang üpwe etiwa.
6Oupwe ochoch ewe mönün asor oua eäni lon ewe chök rän ika sorotän ewe rän. Nge mine a lusun tori aülüngatin rän oupwe kenala.
7Iwe, are oupwe ochoch och seni ewe mönün asor lon aülüngatin rän, epwe eu föför mi anioput, ngang üsap etiwa ewe asor.
8Iteiten eman mi ochoch ei sokun asor epwe püsin angei chappen an föför pokiten an apiningaua eu mettoch mi pin me ren ewe Samol mi Lapalap. Iwe, ewe aramas epwe käriwu me lein aramasan.
9Iwe, lupwen oupwe kini resin fanüemi, ousap kiniela uän tanipimi tori kiännin, ousap pwal rusifengeni mine a turutiu seni kiniemi wiich.
10Ousap kiniela uän fotämi irän wain meinisin, ousap pwal rusi ekewe uän irän wain mi morotiu lon tanipimi. Oupwe likitirela fän iten ekewe chon wöüngau me ekewe chon ekis, pun ngang ewe Samol mi Lapalap ämi we Kot.
11Ousap solä, ousap pwal atuputup ika chofana ngeni chon arumi.
12Ousap akapelmwäli itei, pwe ousap apiningaua itei ren. Ngang ewe Samol mi Lapalap ämi we Kot.
13Ousap ariaföüü chon arumi, ousap pwal angei och seni fän pöchökül. Ousap mwo nge amwöchü liwinin eman chon angang lon unusen eu pwin tori lesosor.
14Ousap turunufasei eman mi selingepüng, ousap pwal likatupu eman mi mesechun. Nge oupwe meninitiei, pun ngang ewe Samol mi Lapalap ämi we Kot.
15Ousap sorei mine a pwüng lon ämi kapwüng. Ousap peni eman mi wöüngau ika awina eman mi lap, nge oupwe eäni kapwüng ngeni chon arumi fän pwüng.
16Ousap fetalfeil lein aramasemi o luapas, ousap pwal föri och mi afeiengau ngeni manauen chon arumi, pun ngang ewe Samol mi Lapalap.
17Kosap oput pwiüm lon lelukom, nge kopwe fönöü chon arum, pwe kosap tolong lon tipis pokitan.
18Kosap püsin ngeni ätewe mi tipis ngonuk chappen an föför, kosap pwal chou ngeni eman lein aramasom. Nge kopwe echeni chon arum usun püsin om echenuk, pun ngang ewe Samol mi Lapalap.
19Iwe, kopwe aleasochisi ai kewe allük: Kosap apwüpwülüafengeni sokopaten man, kosap amora ruu sokun föün irä lon eu chök tanipi, kosap pwal üföüf echö üf seni ruu sokun kireen mangaku.
20Iwe, are eman mwän a lisowu ngeni eman amanau fefin mi fen kofot ngeni eman, nge neminewe esap mwo kamö, esap pwal mwo ngasala, epwe fokun fis kapwüng ngeniir, nge resap ninnila, pun neminewe esap mwo ngas.
21Ewe mwän epwe uwato eman ätemwänin sip leasamalapen ewe imw mangaku ia aramas ra churiei ie, pwe an asoren pupungau ngeniei ngang ewe Samol mi Lapalap.
22Ren ei ätemwänin sip ewe souasor epwe föri asoren amusamusen tipis fän mesei ngang ewe Samol mi Lapalap fän iten än ewe mwän tipis. Iwe, ewe tipis ätewe a föri epwe mus seni.
23Lupwen oupwe tolong lon ewe fanü Kanaan o fotuki sokopaten irän mongö, ousap eni uar lon ükükün ülüngat ier, pun ra pin ngenikemi.
24Iwe, lon ewe arüanün ier uar meinisin repwe eu asoren kilisou mi pin fän itei ngang ewe Samol mi Lapalap.
25Nge lon ewe alimuen ier oua tongeni eni uar. Ren ei uän fotämi irä repwe chomongola. Ngang ewe Samol mi Lapalap ämi we Kot.
26Ousap ochoch och fituk a chüen wor cha lon. Ousap föri angangen pwee ika pöüt.
27Ousap pwal fichi meten möküren asen selingemi ika amocha alüsemi.
28Ousap nekelekei inisimi fän iten mönümä, ousap ichi sokopaten lios womi. Ngang ewe Samol mi Lapalap. x Lif 21.5; Tut 14.1
29Kosap turunufasei noum fefin ren om mwüt ngeni pwe epwe amömö inisin fän iten lisowu, pwe ewe fanü esap wiliti fanüen chon lisowu, esap pwal uren föföringau.
30Kopwe pinini ai ränin sapat o meniniti imwei mi pin. Ngang ewe Samol mi Lapalap.
31Kosap feila ren watawa ika ren sourong, kosap angei ar öüröür, pwe kosap limengau rer. Ngang ewe Samol mi Lapalap om we Kot.
32Kopwe ütä me mwen eman mi pwech möküran o asamolu ekewe chinlap, kopwe meninitiei ngang ewe Samol mi Lapalap om we Kot.
33Iwe, lupwen eman chon ekis a wasöla lon fanüemi, ousap kirikiringau ngeni.

Read Lifitikos 19Lifitikos 19
Compare Lifitikos 19:1-33Lifitikos 19:1-33