Lifitikos 11:36-39

³⁶Nge ika ewe man epwe turulong lon kolukun eu miich ika eu chönüttu, epwe chök limöch. Iwe, nge mine a torii ekewe kükün man men mä epwe limengau.

³⁷Are eman lein ekewe kükün man men mä a turutiu won föün irä fän iten fofot, ekewe föün irä repwe chök limöch.

³⁸Iwe, are ekewe föün irä ra nom lon chöchön, nge eman lein ekewe man men mä a turutiu won, ekewe föün irä repwe limengau ngenikemi.

³⁹Iwe, are eman lein ekewe man ämi mi tongeni ochoch a püsin mäla, nge eman a atapa, ätewe epwe limengau tori lekuniol.