Lifitikos 11:20-25

²⁰Iwe, ekewe kükün man meinisin mi äkkäs, nge ra pwal tö won fofoch aütür, repwe anioput ngenikemi.

²¹Nge me lein ekewe kükün man mi äkkäs o tö won fofoch aütür oua tongeni mongö ekewe mi wor aför, pwe ra tongeni mwetemwet won pwül.

²²Ikkei ir ekewe kükün man oua tongeni mongö: sokopaten lifichimas, sokopaten lifichimas mi äkkäsfetal, sokopaten korongi, pwal sokun lifichimas mi nom won fetil.

²³Nge ekewe lusun kükün man mi äkkäs, a pwal wor fofoch aütür, repwe anioput ngenikemi.

²⁴Are ämi oua atapa ekei man, oupwe limengau. Iwe, eman mi atapa ekei man men mä, epwe limengau tori lekuniol.

²⁵Nge eman mi uwei eman lein ekei man men mä epwe sopuni üfan o limengau tori lekuniol.