Levitikus 13:2-16

²Fa’anra be’ nike malad bang u downgin fa ke for ba lot riy ara ke bogor bmit e m’ar u downgin, ma thingar ni fek i yan ngak reb fapi prist ni demturug ko Aron fa reb fapi prist ni fak.

³Nge guy fare prist fare m’ar rok, ma fa’anra ke thil ra’en e piy u mit ke wech ma ke chur lanmit nga’ar, ma aram e m’ar ko dowef ni ubchiya’; ma fare prist e nge yog ni facha’ e ke ta’ay.

⁴Ma fa’anra fare m’ar e dawori gagyel nike chur lanmit nga’ar ma dawri wech e piy u lan mit, ma fare prist e nge ki’eg fa’anem ko girdi’ nga orel ni medlip fen.

⁵Ra gaman fare medlip i rran miki guy fare prist facha’, ma fa’anra be leamnag ni fare m’ar e kachirogon ni dawri garar i yan, ma ngki pi’ reb e medlip e rran ngak facha’ ni nge par ni kub ki’ ko girdi’ nga orel.

⁶Fare prist e ku ra yib i guy facha’ u nap’an nike gaman fa medlip i rran, ma fa’anra fare m’ar u dow e da ki gagyel ra’en, ma dakir ga’ i yan, ma nge yog ni fa’anem e daki ta’ay; ya kemus nib malad. Ma facha’ e nge luknag e mad rok ma aram e daki ta’ay.

⁷Ma fa’anra chey nike garar fare m’ar u dow u tomuren nike guy fare prist keyog ni daki ta’ay, ma thingar ki yib i m’ug bayay ko fare prist.

⁸Ma fare prist e nge guy facha’ bayay, ma fa’anra fare m’ar u dow e ke garar’, ma nge yog ni fa’anem e ke ta’ay; ya m’ar ko dowef ni ubchiya’.

⁹Demturug be’ ni bay e m’ar ko dowef rok, ma dabisiy ni ngan fek i yib ko prist,

¹⁰ni ir e nge guy fa’anem. Ma fa’anra ke wech lanmit ma ke thil ra’en e piy u lan mit ke wech ma ke yulla’,

¹¹ma aram bm’ar ko dowef ni dabki chuw. Ma fare prist e nge yog ni fa’anem e ke ta’ay; ni dakriy fan ni ngan ki’eg ko girdi’ nga orel, ni bochan e ke par nib ta’ay.

¹²Ma fa’anra fare m’ar ko dowef e ke polo’ u ga’ngin yang i dow ni fanagmus u lolgen nge yan i thang ko rifrif u ay,

¹³ma fare prist e thingari guy bayay. Ma fa’anra pir’eg ni fare m’ar e kenad u ga’ngin yang u dow, ma nge yog ni fa’anem e daki ta’ay. Ni fa’anra ke polo’ i wech ga’ngin yang rok, ma daki ta’ay.

¹⁴Machane yug nap’an e ra malad bang u dow, ma ke ta’ay facha’.

¹⁵Ma fare prist e nge guy facha’ bayay, ma fa’anra guy fare malad u downgin, ma nge yog nike ta’ay facha’. Ya malad e ba m’ar ko dowef ni ubchiya’, ma facha’ e ke ta’ay.

¹⁶Machane fa’anra fos fagi malad nge sul nge wech ra’en bayay, ma nge yan i guy fare prist,