Levitikus 11:12-41

¹²Thingar dab mu koyed ban’en nib fos nma par u mday ara mran ndariy fen e mnong rok fa olyen.

¹³Ma tin ba’aray u fithik’ e arche’ e dab mu ked ya ba ta’ay, ni aram e arche’ ni: eagle, vulture, osprey,

¹⁴buzzard, kite, falcon ni demtrug ko mit ni ngan riy,

¹⁵nge urngin mit e gapluw,

¹⁶ostrich, nighthawk, seagull, hawk ni demtrug ko mitin ngan riy,

¹⁷owl, cormorant, ibis

¹⁸nimen nu maran, pelican, carrion vulture,

¹⁹stork, heron ni demtrug ko mitin ngan riy, hoopoe nge magl’aw.

²⁰Urngin e pi chachangeg ni bay porad e ba ta’ay,

²¹kemus ni tin ma tim’og riy e de ta’ay.

²²Rayag ni ngam ked e locust, cricket, nge asamaning.

²³Ma urngin mit ban’en nib achichig ni bay pon ma aningeg ay e thingar mu ted nib ta’ay.

²⁴Pin’ey e ra ta’ay nagmed; ni en nra math ngak reb nike yim’ e ra par nib alit nge mada’ ko blayal’,

²⁵ma en nra fek bang u downgin reb e pin’ey e thangri luknag e mad rok me par nib ta’ay nge mada’ ko blayal’.

²⁶Urngin e gamanman nib madar buguli ay ma dar ma kunuy gan ngalan k’angan ngaf ni i yengyeng e ra ta’ay nagmed; ma pi’in ra math ngak reb e pi gamanman ney e ra ta’ay.

²⁷Ma urngin e gamanman nma yan nma math ga’ngin yang i lan ay nga but’ ni mayan nga aningeg raba’ i ay ni bod e pilis nge gatuw, e ra ta’ay nagmed; ma en nra math nga downgin bagyad nike yim’ e ra par nib ta’ay nge mada’ ko blayal’,

²⁸ma cha’ ni fek e reb e pin’ey e thangri luknag e mad rok me par nib ta’ay nge mada’ ko blayal’; pin’em e ra ta’ay nagmed.

²⁹Ba’aray e pi graraw nra ta’ay nagmed u roy u fayleng: weasel, boro’, nge galuf,

³⁰adburru’, gayuch, atilgog, athlowo’, nge atraw’.

³¹En nra math nga reb nike yim’ e ra par nib ta’ay nge mada’ ko blayal’.

³²Ma fa’anra mul reb nike yim’ nga daken demturug ban’en, ma fare n’en e ra ta’ay. Ndemturug ko bochyang i plang, fa mad, fa keru’ e gamanman, fa tutuw, ni demturug ko mang e yima fanay ngay, ma thingar ni chultheg fare n’en nga maran, machane ra par nib ta’ay nge mada’ ko blayal’.

³³Ma fa’anra ra mul reb nike yim’ nga daken ba th’ib nni ngongliy ko but’, ma urngin e tin bay u langgin fare th’ib mra ta’ay, ma fare th’ib e thingar ni bilig.

³⁴Ma rachey ni map’ ranggin e re th’ib ney nga daken ba ggan, ma fare ggan e ra ta’ay, ma tin yima unum riy e ku ra ta’ay.

³⁵Demturug ban’en nra mul reb fa pin’en nike yim’ nga daken ma ra ta’ay; ra ba stof fa ba oven ma ngan blig.

³⁶Machane ba alublub fa ba tafen e ran e ra par nib be’ech, ni yug aram rogon ni demturug ban’en nra math nga reb e pin’em nike yim’ me ta’ay.

³⁷Ma fa’anra mul reb e pin’em nike yim’ nga daken e awoch ni yibe n’en ni ngan yung, ma fare awoch e ku ra par nib be’ech.

³⁸Machane fa’ara kan tay fapi awoch nga mran me mul reb e pin’ey nike yim’ nga daken, ma fare awoch e ra ta’ay.

³⁹Fa’anra yim’ reb e gamanman ni yima longuy, ma en nra math ngay e ra par nib ta’ay nge mada’ ko blayal’.

⁴⁰Ma fa’anra kay be’ bang ko fare gamanman, ma thangri luknag e mad rok, me ra par nib alit nge mada’ ko blayal’; en nra fek fare gamanman nike yim e thangri luknag e mad rok, me ra par nib ta’ay nge mada’ ko blayal’.

⁴¹Thingar dab mu longuyed e pi gamanman nib achig nma yan u daken e but’,