LEVITIKO 9:17-21

¹⁷Flaoa boubouna danu ia ese e abia, Iehova vairanai e atoa. Bena taina e abia imana ai, ihaboulaina patana latanai e haḡolea oho, daba boubouna ida.

¹⁸Boromakau maruanena bona mamoe maruanena danu, orea taudia edia herohemaino boubouna ḡaudia, e aladia mase. Bena Aaron natuna ese raradia e abi, tamadia e henia; bena ia ese ihaboulaina patana latanai bona badinai e nevaria heḡeḡe.

¹⁹Boromakau digarana, bona mamoe digarana, bona mamoe iuna mai digarana ida, bona bogana bona bogarauna urubina, bona nadinadi, bona ase digarana, e abi;

²⁰digara idoinai na boromakau bona mamoe kemedia latadiai e atoa kau. Bena digara be ihaboulaina patana latanai e haḡolea oho,

²¹a kemedia bona idiba aedia Aaron ese e abidia Iehova vairanai e davedia, davedave boubouna ai e halaodia, Mose ena haheḡani heḡereḡerena.