LEVITIKO 9:12-19

¹²Una murinai ia ese ḡole-oho boubouna e alaia mase. Bena Aaron natuna ese rara e abia, tamadia e henia; bena ia ese ihaboulaina patana latanai bona badinai e nevaria heḡeḡe.

¹³Bena idia ese ḡole-oho boubouna tau-aninae regea sisi ḡaudia na taidia taidia amo e henia, bona kwarana danu; bena ia ese ihaboulaina patana latanai e gabudia, Iahi ese e ḡoledia oho.

¹⁴Ia ese danu bogana bona bogarauna bona imana bona aena e abidia, ranu ai e huridia; bena ḡole-oho boubouna ida e haḡoledia oho, ihaboulaina patana latanai.

¹⁵Bena ia ese orea taudia edia boubou ḡaudia e mailaidia, kara-rea boubouna nanina e abia, orea taudia edia, e alaia mase, e haḡolea oho, kara-rea iabi-ohodia, ia sibona ena heḡereḡerena.

¹⁶Ḡole-oho boubouna danu ia ese e abia, e alaia mase, e haḡolea oho, haheḡani heḡereḡerena.

¹⁷Flaoa boubouna danu ia ese e abia, Iehova vairanai e atoa. Bena taina e abia imana ai, ihaboulaina patana latanai e haḡolea oho, daba boubouna ida.

¹⁸Boromakau maruanena bona mamoe maruanena danu, orea taudia edia herohemaino boubouna ḡaudia, e aladia mase. Bena Aaron natuna ese raradia e abi, tamadia e henia; bena ia ese ihaboulaina patana latanai bona badinai e nevaria heḡeḡe.

¹⁹Boromakau digarana, bona mamoe digarana, bona mamoe iuna mai digarana ida, bona bogana bona bogarauna urubina, bona nadinadi, bona ase digarana, e abi;