LEVITIKO 4:9-28

⁹bona nadinadi ruaosi mai digaradia ida, bona demodo bona ase digarana;

¹⁰herohemaino boubouna boromakauna enai e abiamu heḡereḡerena baine abia. Hahelaḡa tauna ese ihaboulaina patana latanai baine gabua, lahi ese baine ḡolea oho.

¹¹A boromakau kopina bona hidiona bona kwarana bona imana bona aena bona bogana bona bogarauna bona taḡena,

¹²idoinai baine huaia Iasi taruha murimurinai, gabu ḡoevaḡoevana ai, lahi kahudia e negemu gabuna ai, baine gabua, Iahi ese baine ḡolea oho; Iahi kahudia e negemu gabuna ai baine heḡole-oho.

¹³Israel oreana idoinai bema kara rea, a edia kerere bema hehuni; Iehova ena taravatu bema tata utu, unu amo bema kerere:

¹⁴edia kerere baine hedinarai negana ai, hebou ese boromakau natuna maruanena ta baine heni, kara-rea boubouna ai bainela. Hebou kalagana vairanai bae mailaia;

¹⁵bena orea ena tau-badadia ese imadia na ia kwarana ai bae ato kau. Iehova vairanai, bena Iehova vairanai bae alaia mase.

¹⁶Bena hahelaḡa tauna, e horoa tauna, ese rarana baine abia, hebou kalagana lalonai baine vareailaia;

¹⁷imana kwakikwakina na rara ai baine urua diho, nega hitu Iehova vairanai baine nevaria, seseahu vairanai,

¹⁸bena pata helaḡana, hebou kalagana ai Iehova vairanai e miamu ḡauna, rara na doa baine dahulai; una murinai rara orena idoinai na ihaboulaina patana badinai baine bubua nege, hebou kalagana iduarana ai.

¹⁹Bena ia ese digarana idoinai baine abia, ihaboulaina patana ai baine gabua, lahi ese baine ḡolea oho.

²⁰Hari kara-rea boubouna ta boromakauna e karalaia heḡereḡerena ai, ina boromakaudanu unu bae karaia toma; unu amo hahelaḡa tauna ese idia bagudiai herohemaino karana baine karaia, bena edia dika bae hegwau tao.

²¹A boromakau na taruha murimurinai baine huaia lasi, hari boromakau ta e gabua heḡereḡerena ai ina danu baine gabua, lahi ese baine ḡolea oho. Hebou ena kara-rea boubouna bunai.

²²Hanua lohiana ta bema kara rea, Iehova, ena Dirava, ena taravatu ta bema tataia utu, unu amo bema kerere:

²³lalona baine parara ia vada e kerere negana ai, ia ese nani maruanena asi bebeka-bebekana ta baine mailaia, ena boubou ḡauna;

²⁴imana na nani kwarana ai baine atoa kau, bena ḡole-oho bouboudia Iehova vairanai e aladia masemu gabuna ai bainealaia mase: ia be kara-rea boubouna.

²⁵Bena hahelaḡa tauna ese boubouḡauna rarana baine abia, imana kwakikwakina amo ihaboulaina patana ai doa baine dahulai; bena rara orena na ihaboulaina patana badinai baine bubua nege.

²⁶Bena digarana idoinai na ihaboulaina patana latanai bae gabua, herohemaino boubouna e karalaiamu heḡereḡerena; Iahi ese baine ḡolea oho. Unu amo hahelaḡa tauna ese ia bagunai herohemaino karana baine karaia; bena ena dika baine hegwau tao.

²⁷Hanua tauna ta bema kara rea, Iehova ena taravatu ta bema tataia utu, unu amo bema kerere:

²⁸lalona baine parara vada e kerere negana ai, ia ese nani hahinena asi bebeka-bebekana ta baine mailaia, ena kara-rea boubouna ai bainela.