Text copied!
CopyCompare
Buk Baibel long tokples Motu - LEVITIKO - LEVITIKO 26

LEVITIKO 26:2-9

Help us?
Click on verse(s) to share them!
2Egu dina helaḡadia ba badinadia, bona egu dubu helaḡana ba matauraia: lau binai Iehova.
3Egu taravatu boma badinadia bona egu haheḡani karadia boma kara,
4lau ese medu namodia baina henimui, edia nega korikori ai, bena tano ese anina baine havaraia, bona imea audia bae huahua.
5Uit ikwadina do basine ore ai vine huahuadia iutudia baine hematama, bona vine huahuadia iutudia do basine ore ai hadohado baine hematama. Bavaniani boga kunu, emui tano ai ba noho, asi emui kudou hetaha.
6Lau ese maino baina henimui emui tano ai; vada ba laḡa ani, asi tauna ta ese baine hagarimui. Uda boromadia baina ha-oredia emui tano ai, bona tuari darena na basine hedinarai, emui tano idoinai.
7Inaimui do ba hadareredia, emui dare amo bavaladia mase.
8Laima umui emui amo ese sinahu-ta bae hadareredia, bona sinahu-ta umui emui amo ese gerebu-ta bae hadareredia; inaimui iboudiai na emui dare ai bae mase.
9Lau ese baina haḡeremui, natumui momo baina henimui, baina hahutumamui. Egu gwau-hamata emui aido baina hamomokania.

Read LEVITIKO 26LEVITIKO 26
Compare LEVITIKO 26:2-9LEVITIKO 26:2-9