Text copied!
CopyCompare
Buka Helaga - LEVITIKO - LEVITIKO 23

LEVITIKO 23:12-20

Help us?
Click on verse(s) to share them!
12Bona unai aniani davea dinana dekenai mamoe natuna tau, dika ta lasi gauna, lagani tamona gauna, do umui henia, gabua ore boubouna totona.
13Paraoa boubouna danu unai mamoe danu do umui henia, paraoa namo herea ena metau kilogaram rua be olive dehoro danu do umui mikisi. Inai boubou be lahi dekenai do umui gabua, bona ena bonana be do ia namo herea Lohiabada ena vairanai. Bona inai boubou danu be inuinu boubouna do umui henia, uaina, ena bada be lita ta.
14Unai aniani matamata, koni, o uiti, ia kaukau gauna, o beredi matamatana, do umui ania lasi, ela bona emui boubou gauna be Dirava dekenai umui henia haorea. Inai taravatu do ia noho hanaihanai umui dekenai, bona emui tubudia dekenai, emui noho gabudia ibounai dekenai.”
15Ma Lohiabada ia hereva, ia gwau, “Unai dina dekena amo, unai Sabati murinai dinana, emui uma anina ginigunana hahelagaia tauna dekenai umui henia dinana, be pura 7 do umui duahia.
16Inai Sabati 7 murinai dinana be dina namba 50. Unai dina namba 50 dekenai paraoa matamata ena boubou be lau Lohiabada dekenai do umui henia.
17Famili ta ta ibounai ese beredi rua do umui mailaia, bona lau Lohiabada dekenai do umui henia, emui harihari gauna idauna ta. Beredi ta ta be paraoa kilogaram rua dekena amo idia karaia gaudia. Mai hatubua gauna danu do umui gabua, bona Lohiabada dekenai do umui henia, ia be koni matamata ena boubou gauna.
18Bona inai beredi danu, gau haida ma danu do umui henia: Mamoe natuna 7, lagani tamona gaudia, bona boromakau natuna tau ta, bona nani rua do umui henia. Idia ibounai be dika ta lasi gaudia. Idia ibounai be idia gabua ore boubouna lau Lohiabada dekenai do umui henia. Beredi boubouna bona uaina boubouna danu be inai idia gabua ore boubouna danu nega tamona do umui henia. Inai ibounai be bonana namona boubouna lau Lohiabada egu vairana dekenai.
19Bona umui ese nani tau ta boubouna do umui henia, kara dika kokia totona, ma mamoe tau rua boubouna, lagani tamona gaudia do umui henia. Idia be maino karaia boubouna totona.
20Hahelagaia tauna ese beredi bona mamoe natuna rua be iena imana dekenai do ia davea, idia be lau Lohiabada dekenai boubou gauna. Idia be lau Lohiabada egu gau helagadia, hahelagaia taudia edia aniani gaudia.

Read LEVITIKO 23LEVITIKO 23
Compare LEVITIKO 23:12-20LEVITIKO 23:12-20