LEVITIKO 14:9-16

⁹“Dina namba 7 dekenai, ia ese iena huina ibounai, kwarana huina, bona aukina huina bona matana ena ataiai huina do ia kakasia ore lou. Iena dabua do ia huria lou, bona do ia digu. Unai murinai ia be goeva momokani.

¹⁰“Dina namba 8 dekenai, mamoe natuna tau rua, toto lasi bona bero lasi gaudia, bona mamoe natuna hahine ta, lagani tamona gauna, toto lasi bona bero lasi gauna do ia mailaia. Bona paraoa namo herea, ena metau kilogaram toi, olive dehoro danu mikisi gauna, bona olive dehoro, ena bada kapusi tamona danu do ia mailaia.

¹¹Hahelagaia tauna ese unai do ia hagoevaia tauna be do ia hakaua lao, mai ena boubou gaudia danu, Lohiabada ena Palai Dubu ena iduara dekenai do ia haginia, Lohiabada ena vairanai.

¹²“Vadaeni hahelagaia tauna ese mamoe natudia tau ta do ia abia, ia be kara dika boubouna do ia lao, olive dehoro kapusi ta danu. Unai gaudia ruaosi Lohiabada ena vairanai do ia davea. Unai be kerere totona boubouna Lohiabada dekenai ia henia ena toana.

¹³Hahelagaia tauna ese unai mamoe natuna tau do ia alaia mase gabu helagana ta dekenai, kara dika boubouna bona gabua ore boubouna idia alaia mase gabuna be unai. Unai bamona do ia karaia, badina be kerere totona boubouna be kara dika totona boubouna bamona. Inai boubou ruaosi be hahelagaia tauna ena. Unai dainai inai boubou be helaga herea.

¹⁴“Vadaeni hahelagaia tauna ese unai mamoe natuna ena rara haida do ia abia, bona unai do ia hagoevaia tauna ena taia idibana rini atoa gabuna, iena ima kwakikwaki badana idibana, bona iena ae kwakikwaki badana idibana dekenai unai rara do ia atoa.

¹⁵“Hahelagaia tauna ese olive dehoro sisina sibona iena imana laurina dekenai do ia bubua.

¹⁶Iena ima kwakikwakina idibana be olive dehoro lalonai do ia atoa, bona nega 7 unai olive dehoro haida do ia negea lao, bona lau, Lohiabada ese do lau itaia.