Leviticus 27:20-25

²⁰but if he nyle ayenbie, but it is seeld to ony othir man, he that avowide schal `no more mowe ayenbie it;

²¹for whanne the dai of iubilee cometh, it schal be halewid to the Lord, and the possessioun halewid perteyneth to the riyt of preestis.

²²If the feeld is bouyt, and is not of the possessioun of grettere men,

²³and is halewid to the Lord, the preest schal determyne the prijs bi the noumbre of yeeris `til to the iubilee, and he that avowide the feeld schal yyue the prijs to the Lord;

²⁴forsothe in the iubilee it schal turne ayen to the formere lord that seelde it, and `haue he in to the eritage of his possessioun.

²⁵`Ech preisyng schal be peisid bi the sicle of seyntuarie; a sicle hath twenti halpens.