Leviticus 27:20-25

²⁰Iyan, emun ibelegyè din haazà is bevesukà dutun te wazè din pa melekat, ne kenè din en haazà egkahawì.

²¹Ne emun egkeume en maan is Tuig te Kebeǥey te Bayàbayà wey Ked-ulì, ne ǥaked en heini te Nengazen ne kenè en heini egkahawì, egkehimu en heini he azen te menge memumuhat.

²²Emun inhalad te etew is bevesukà he nepemasa zin,

²³ne ebeliyan heini te memumuhat te vali he ibasi ziyà te kahabet te menge tuig he human egkeuma is Tuig te Kebeǥey te Bayàbayà wey Ked-ulì. Kinahanglan he segugunà heini edlekata. Is bayad he idlekat din kayi gaked en te Nengazen.

²⁴Dutun he Tuig te Kebeǥey te Bayàbayà wey Ked-ulì, haazà he tanà id-ulì diyà te teǥiǥaked he mibelegyà duen.

²⁵Is langun he prisyu te menge inhalad diyà te Nengazen kinahanglan he ziyà ibpesikad te keveǥat te pelata ziyà te timbangan he egemiten te menge memumuhat.