Leviticus 14:36-42

³⁶Ne emun kenè pa edseled is memumuhat dutun te valey te kedsusi ke zuen be zutun hab-ung, medsuǥù sikandin he iǥawas is langun he vutang diyà te seled, su para kenà heini meragkes te ed-isipen he meremerik. Ne kegkepasad, human pa edseled dutun te valey is memumuhat

³⁷ne edsusiyen din ke hab-ung be is diyà te elavat. Ne emun egkeehè din he meilem-ilem etawa meriǥàriǥà is ebuketur zutun te elavat,

³⁸egawas sikandin dutun he valey ne ebpelekevan din heini seled te pitu he andew.

³⁹Ne ikepitu he andew ed-umanan din edsusiya heini. Ne emun edelandap haazà is hab-ung diyà te zuma he vahin te elavat,

⁴⁰ne ibpaawè din is menge vahin te elavat he zuen duen hab-ung ne ibpetimbag din heini ziyà te ǥawas te inged, diyà te lugar he edtimbaǥan te ed-isipen he meremerik.

⁴¹Ne ebpekeǥisan din is langun he elavat diyà te seled dutun te valey ne is langun he kinaǥis ibpetimbag din diyà te gawas te inged, diyà te lugar he edtimbaǥan te ed-isipen he meremerik.

⁴²Ne ebpekuwa sikandin te para idliwan dutun te elavat he mibpen-awà.