Text copied!
CopyCompare
Kankanaey Bible - Levitico - Levitico 4

Levitico 4:4-11

Help us?
Click on verse(s) to share them!
4Iey na din baka sin pantew di Tolda ay Panpappailaan Diyos et asi na ikapay din takkay na sin toktok di baka et paltiena sin sangoanan Diyos.
5Asi man-a sin dadan di napalti et isgep na sin oneg di Tolda.
6Mo wadas sisya sin oneg, isiwsiw nan gomot na sin dada et asi na pay iwalsi si mamin pito sin sangoanan Diyos sin sangon di kurtina ay nanasalin sin Kasasantoan ay Kowarto.
7Pag nan iponas din odom ay dada sin kaman sakngod sin solin di altar ay panpoppooan si insinso ay wada met laeng sin oneg di Tolda. Mo makdeng di, isoyat na din am-in ay nabay-an ay dada sin naisaadan di altar ay panpoppooan si daton ay wada sin pantew di Tolda.
8Ilasina abe din am-in ay taban di eg-eges di baka ay napalti,
9din dowa ay batin ya din taba da pati din kamayatan ay partin di atey na
10ay kaman met laeng di iyat da ay mangaan sin taban di baka ay idaton da ay pan-ookoban ya makikadkadwaan da en Diyos, asi na pooan sin altar ay doy.
11Ngem alaena din kopkop, am-in ay lames, din toktok, din eg-eges ay adi nasosotan ya din sikin di animal,

Read Levitico 4Levitico 4
Compare Levitico 4:4-11Levitico 4:4-11