Levililər 19:10-13

¹⁰Üzüm bağında da tənəkləri büsbütün təmizləyib yerə düşən salxımları yığmayın. Qalan məhsul kasıblara və qəriblərə qalsın. Allahınız Rəbb Mənəm.

¹¹Oğurlamayın, bir-birinizə yalan satıb aldatmayın.

¹²Allahınızın adını ləkələməmək üçün adıma yalandan and içməyin. Rəbb Mənəm.

¹³Qonşunu istismar etmə, onu soyma; muzdlu işçinin zəhmət haqqını axşamdan səhərəcən özündə saxlama.