Levii buiↄ 4:14-33

¹⁴Gbɛzã tó aa dↄ̃̀ kɛ́ wà duunakɛ̀, aali mↄ́ ń gáaeo awakpabↄ ũ kpaaũkpɛ kpɛɛlɛ.

¹⁵Gbɛ̃zↄ̃ↄↄ i ↄnana zupi miwa, wi a kòlokpa Dii aɛ we.

¹⁶Sa'onkia i zupi au sɛ́ gɛ̃ò kpaaũkpɛu,

¹⁷i ↄtona zↄ̃wà à fã́fã Dii aɛ gɛ̃n sopla zwãa pↄ́ daapi saɛ.

¹⁸Aàli máma tulaletikatɛakĩi kↄ́baↄwa Dii kùɛ kpaaũkpɛu we, i a kĩni ɛ́lɛ sa pↄ́ wì a pↄ́ kátɛu à tɛ́kũ okĩi gbázĩwa kpaaũkpɛ kpɛɛlɛ.

¹⁹Aàli zupi nísi golɛ píi, i kpasa sa'okĩiwa,

²⁰i kɛ ń zupio lá a kɛ̀ ń awakpazu káauowa. Màa sa'ona ali ń duuna kɛ̃́má, Dii i sùuukɛńnↄ.

²¹Aàli bↄ ń zupio bòo kpɛ, i kátɛu à tɛ́kũ, lá zù káau tɛkũ̀wa. Gbɛ̃́pii duun awakpabↄn we.

²²Tó dↄaana duunakɛ̀, à zã̀ Dii a Lua yãdilɛaewa à yã́ pↄ́ wìli kɛo kɛ̀, baa tó i gĩkɛ no, à gↄ̃̀ tàaede ũɛ.

²³Tó wa òɛ̀ à duunakɛ̀, aàli mↄ́ ń blesan sãasaio,

²⁴i ↄna blepi miwa, i a kòlokpa Dii aɛ gu pↄ́ wì sa pↄ́ wì a pↄ́ kátɛu à tɛ́kũ pↄ́ kòlokpau duun awakpabↄ ũ.

²⁵Sa'ona i ↄtona zↄ̃ a auwa, i máma sa'okĩi kↄ́baↄwa, i au pↄ́ gↄ̃̀ ɛ́lɛ sa'okĩipi gbázĩwa.

²⁶Aàli a nísi kpasa sa'okĩiwa píi lán sáaukpa sa'obↄwa. Màa sa'ona ali aà duuna kɛ̃wà, Dii i sùuukɛaànↄ.

²⁷Tó táaa duunakɛ̀, à zã̀ Dii yãdilɛaewa à yã́ pↄ́ wìli kɛo kɛ̀, baa tó i gĩkɛ no, à gↄ̃̀ tàaede ũɛ.

²⁸Tó wa òɛ̀ à duunakɛ̀, aàli mↄ́ ń bleda sãasaio duuna pↄ́ á kɛ̀ sa'obↄ ũ,

²⁹i ↄna awakpabↄpi miwa, i a kòlokpa sa pↄ́ wì a pↄ́ kátɛu à tɛ́kũ okĩi.

³⁰Sa'ona i ↄtona zↄ̃ a auwa, i máma sa'okĩipi kↄ́baↄwa, i au pↄ́ gↄ̃̀ ɛ́lɛ sa'okĩipi gbázĩwa.

³¹Aàli a nísi golɛ píi lá ì sáaukpapↄ nísi golɛwa, i kpasa sa'okĩiwa pↄ́ pↄ́ a gĩ ì kɛ Diiɛ na ũ. Màa sa'ona ali aà duuna kɛ̃wà, Dii i sùuukɛaànↄ.

³²Tó sã àlɛ mↄò awakpabↄ ũ sↄ̃, aàli mↄ́ ń a da sãasaio,

³³i ↄna a miwa, i a kòlokpa awakpabↄ ũ sa pↄ́ wì a pↄ́ kátɛu à tɛ́kũ okĩi.