Levii buiↄ 19:26-35

²⁶Ásuli nↄ̀ↄ kòlokpasai sóo. Ásuli màsokɛo. Ásuli pↄdamáo.

²⁷Ásuli mizↄ̃io. Ásuli á lɛkãna kã́ kpaaĩo.

²⁸Ásuli á mɛ líli gɛ yã́ musuo. Ásuli wɛ̃̀sã li ge à sↄti zↄ̃o. Mámɛmaa Dii.

²⁹Ásuli á nɛnↄɛ ↄ̃̀ↄkpa aà gↄ̃ káalua ũo, kɛ́ bùsudeↄ su zɛ ń káaluakaao, dàa vãi i kↄ̃́ á bùsuuo yã́i.

³⁰Àli kã́mabogↄↄ pↄ́ má dìlɛↄ yãda. Àliↄ ma kúkĩi vĩa vĩ. Mámɛmaa Dii.

³¹Ásuli yãma gɛ̀sisinaↄwao, mɛ́ ásuli tã́adeↄ kĩ́i wɛɛlɛ, an gbãsĩ i liázio. Mámɛmaa Dii á Lua.

³²Àli fɛlɛ zɛ mikãpuadeɛ, àli zↄ̃ↄkɛ dↄ̃ gbɛ̃zↄ̃ↄↄnɛ, íↄ ma vĩa vĩ. Mámɛmaa Dii á Lua.

³³Tó bↄ̀mↄ kúánↄ á bùsuu, ásuli gbãamↄɛ̀o.

³⁴Àli bↄ̀mↄ pↄ́ kú á guu dilɛ lán belewa. Àliↄ yeaàzi lá ázĩa wɛ̃niwa, asa bↄ̀mↄↄn á ũ Egipi bùsuu yãa. Mámɛmaa Dii á Lua.

³⁵Àↄ kú ń yãkɛa a zɛ́wao pↄ́yↄ̃a guu, pↄ́ gbã̀a ge a gbia ge a zↄ̃ↄn lò.