Levidoj 23:25-28

²⁵Faru nenian laboron; kaj alportu fajroferon al la Eternulo.

²⁶Kaj la Eternulo ekparolis al Moseo, dirante:

²⁷Sed en la deka tago de tiu sepa monato estu tago de pekliberigo, sankta kunveno estu ĉe vi; kaj humiligu vian animon kaj alportu fajroferon al la Eternulo.

²⁸Kaj faru nenian laboron en tiu tago, ĉar ĝi estas tago de pekliberigo, por pekliberigi vin antaŭ la Eternulo, via Dio.