Levi 7:31-36

³¹A prister ge gutu a vina sipsip, a bulmakau na dede, pali a siana sipsip, a bulmakau ge ne vona e Aron, e huriki e tuna.

³²A pona na kanena ri gi habia na prister, ge manga a sika vona na nihabi na nivalemu ne mua.

³³E rei e tune Aron i rata a nihabi na nivalemu na darana, na vina kanirau, ge bole a pona na kanena kanirau iea.

³⁴Iau e BAKOVI DAGI a bole tala na nihabi na nivalemu ne huriki a Israel a siana, ra ni tabari iau vona, a pona sipsip, a bulmakau, a habi ne Aron a prister, turane huriki e tuna bakovi. E huriki a prister kunana ri gi bole vakaroro ne huriki a Israel a maka kalavana nihabi nga.

³⁵“Ra kalavana nihabi nga, ni bole valai ne BAKOVI DAGI, ge a nihabi ni gutu na kanono. E BAKOVI DAGI i pasivunu a kalavana nihabi nga ne vona e Aron turane huriki e tuna bakovi, na parava ni gamai ria ri gi leho manga a prister vona.

³⁶Na tahuna ni gamai ria, e BAKOVI DAGI i vakuku e huriki a Israel, ri gi habi ne huriki a prister ra kalavana nga. Ra vinara iea ri gi ramai vakaroroa muri ma.