LEPIN PADAHK AUDAPAN KAN 9:4-16

⁴“Kohdo, kumwail me sehse lamalam akan!” Oh ong ohl pweipweio e nda,

⁵“Kohdo tungoale oh nim wain me I doaloadahro.

⁶Kohdo sang rehn me sehse lamalam akan, oh ale mour. Idawehn ahl en loalokong.”

⁷Ma kumwail pahn kapwungala aramas aklapalap men, kumwail pahn sarohdi. Ma kumwail pahn lupwoare aramas suwed men, kumwail pahn ale kamakam.

⁸Dehr kapwungala aramas aklapalap men; pwe e pahn kailongkinuhkala. Ahpw ma ke pahn kapwungala aramas loalokong men, e pahn waunekinuhkala.

⁹Mehkoaros me kumwail pahn ndaiong aramas loalokong men pahn kalaudehla eh loalokong. Mehkoaros me kumwail pahn ndaiong aramas pwung men pahn kalaudehla eh loalokong.

¹⁰Pwe kumwail en loalokong, keieu kumwail pahn lemmwiki KAUN-O. Ma kumwail pahn ese Me Sarawio, eri, mie amwail dehdehki.

¹¹Kupwurokong pahn karairaila amwail mour.

¹²Kumwail me pahn wihn ma mie amwail kupwurokong, ahpw ma kumwail pahn soikala, eri, kumwail me pil pahn lokolongki.

¹³Soaloalokong rasehng lih pweipwei oh sehse namenek men me lokaia tohto.

¹⁴E kin mwomwohd nan wenihmwen imwe de wasahn mwomwohd keieu ile kan en nan kahnimw,

¹⁵oh kin likilikwerih aramas akan me kin keid limwah, me kin wiewiaseli pein ar doadoahk kan,

¹⁶ndinda, “Kumwail me sehse lamalam akan, kumwail kohdo!”