LEPIN PADAHK AUDAPAN KAN 3:26-30

²⁶KAUN-O pahn ketin sinsileiuk. E sohte pahn ketin mweidohng ke en pwupwudiong nan lidip.

²⁷Ahnsou koaros me ke kak, sewese irail kan me kin anahne sawas.

²⁸Ke dehr ndahng mehn mpomw men en awih lel lakapw, ma ke kakehr sewese met.

²⁹Dehr koasoanehdi mehkot suwed me pahn kauwehla mehn mpomw; e kin kousoan limwahmw oh koapworopworkin uhk.

³⁰Dehr akamaiong emen ni sohte kahrepe, ni eh sohte wiahiong uhk mehkot suwed.