LEPIN PADAHK AUDAPAN KAN 23:6-13

⁶Dehr iang tungoal rehn aramas lehk de mehwohki kisin tungoal kaselel kan me e pahn katungoalehkin uhk.

⁷E pahn nda, “Komw sak, komw kanahngada,” ahpw dahme e medemedewe iei uhdahn dahkot ih.

⁸Ke pahn mwuskihla mwenge me ke kangalahr, oh omw lokaiahn kaping kan pahn sohte katepe.

⁹Dehr song en wiahiong aramas pweipwei men lokaiahn aramas loalokong, pwe e pahn mwamwahliki omw koasoi kan.

¹⁰Kaleke ke kamwakid pehs en sapwen mahs akan, de ale sapwen me sepwoupwou kan.

¹¹KAUN-O, iei doareparail roson, oh e pahn ketin welianiraildi oh uhkihong uhk arail repen pwung.

¹²Rong kanahieng omw sounpadahk oh padahngki uwen me ke kak.

¹³Dehr peikasalki kapwungala seri men. Popohr ehu sohte pahn kemehla.