27Aramas suwed kin raparapahki ahl en kauwehla meteikan, pil arail lokaia kan rasehng kisiniei kamwasik.
28Aramas suwed kin wisik lokaia; re kin kahrehda kahpwal oh kauwehla nanpwungen aramas akan.
29Aramas eikek kin pitihedi kompoakepahrail oh kahluwalahng irail nan apwal laud.
30Kalekeiuk sang aramas me kin sirei oh manihiuk; mie mehkot suwed me re medemedewe.
31Mour werei iei ketingpen pwung; moangepwet iei kapwat lingan ehu.
32Kanengamah mwahusang kehlail. Omw pein poweiukedi mwahusang omw pahn powehdi kahnimw tohto.
33Aramas kin usuhs pwe re en rapahki kupwur en Koht, ahpw Koht me kin ketin koasoanehdi imwilahn usuhs.
Lepin Padahk Audapan Kan 16
Lepin Padahk Audapan Kan 16:27-33