Legic 83:4-17

⁴Waŋu yomuhuc ʒéanʒu; Mebiri énécmini ionac héŋgaleŋ ama areŋa yanda imi muŋguc ménda meyacgému. Israelac qara imi eluŋ unudacmac.

⁵Ieneŋ ewa momac wamma eminimma gi haʒéc waŋgémma acgina ʒikizu.

⁶Ieneŋ imi Edomac ama hali ʒéma Isimael ic ʒéma Moap ʒéma Hagiri ic

⁷ʒéma Gebal ʒéma Ammon ʒéma Amalek ʒéma Tirowac tacyachéra,

⁸waŋu Asiria acguc iniguc toroqema Lot iwac ɋelihéra méra énécmizu. (Ohec)

⁹Gi imi Midian ic waŋ énécminec ésécnec, waŋu Kison doku téfaraiguc Sisera ʒéma Yabin onac waŋ énécminec ésécnec ionac acguc imuhuc waŋ énécmina.

¹⁰Ieneŋ imi Endoroiguc maunuyu baecac séʒéŋ wandacgic.

¹¹Ionac ic eŋeŋa imi waŋ énécmina, Orep ʒéma Ʒeep ésécnec wammu. Galeŋhécgina imi Ʒeba ʒéma Zalmunna ésécnec wandacmu.

¹²Ieneŋ yomuhuc ʒéanʒu; Nini Anutuac rama baec imi onagicni nonac buŋa wammac.

¹³Anutuna waŋ énécmina ieneŋ imi luhuc neŋgocyanéŋ seitotoŋ meyaru meleŋ qeleŋ waŋanʒac ésécnec wammu.

¹⁴Gericnéŋ ic ʒuŋ ʒeanʒac ésécnec, waŋu geric bélaŋa baec boŋa ʒeanʒac ésécnec

¹⁵guac luhuc selianéŋ nesi énécmima guac luhuc humumianéŋ tericgé énécmina.

¹⁶Yawe, waŋ énécmina gamunéŋ kic tanecginaiguc sécgé énécmimac. Imuhuc waŋ énécmina ieneŋ guac qacgawac hoc hoc wammu.

¹⁷Waŋénécmina gamuginaguc wamma aurima hémbénaŋa humu qai wammu.