Legic 59:9-16

⁹Anutu, nuac neuŋ kiropona selia, nuac kuc miŋina, guac kic hihi wamma kecmaŋ.

¹⁰Nuac Anutunéŋ goi héihéiyaguc tétécgé némmac. Waŋu haʒéchécna bakia megic nézéyu kicnanéŋ inicmaŋ.

¹¹Gi imi ménda unuhumuna ic embachécna ieneŋ eluŋ unuwac niŋac. Saiwanina Miŋ Kewu, kucganéŋ héndéŋ énécmima memaénécmina.

¹²Ezelaŋginawac ac imi kuaginawac képésic wanʒac. Saec ac ʒéma ikoc ac ʒéanʒu imuac niŋac waina séwi eŋeŋ wamma kecgicnec énéc énépésia wammac.

¹³Qeri gericganéŋ onona, qahac wammuac séhaiguc onona. Hémma Anutunéŋ Yakoboac ɋelihéra sucginaiguc inicgaleŋ kecʒac imi niŋasarimu. (Ohec)

¹⁴Waŋu ieneŋ ama siŋiyu liliŋgéma hama kazu ésécnec qacma lelecgéanʒu.

¹⁵Ieneŋ nene niŋac hocma lelecgégic tomeŋgina ménda qeyu lelecgémanec kecgic ama giaŋianʒac.

¹⁶Ni imi guac kucga mepésigémma siŋunec guac goi héihéiga meyacma legic héigémmaŋ. Gi imi nuac demiŋ selina baec boŋaiguc nanaŋa. Waŋu ʒérabéra naléiguc saŋgi saŋgina wanʒaŋ.