Legic 138:1-7

¹Ni qeri howiacnec ewa hia ac gézézua. Nemu ionac kicginaiguc gi mepésigénʒua.

²Ni ocmuŋga téréyawac sicgégémba hazac. Waŋu goi héihéiga ʒéma hakaga héla imuac niŋ guac qacgawac ewa hia ac gézémaŋ. Imi mia gi qacga ʒéma ʒézé seli acga meyacna iwawai mocʒoŋ qehoturuma onogicma eŋec imuac mia imuhuc waŋgénʒua.

³Ni guruyi nalé imuaru acna meleŋnec, waŋu kekec uŋanawac kuha meyandi nénnec.

⁴Baecac ic kewu mocʒoŋ ieneŋ kuaga igucnec acga niŋgic imuac niŋac ieneŋ Miŋ Kewu gi ʒéhiaru gémmu.

⁵Yaweac edamuya imi eŋeŋa yanda imuac ieneŋ Yaweac hakayawac mepésimimu.

⁶Yawe imi eŋeŋa. néŋ mamaya hia inicgaleŋ waŋ énécmianʒac, waŋu tétéc qeqe ic imi acguc lakec kecma hia inictegicanʒac.

⁷Ni ʒéra waiya qeriaiguc keŋha wamba gi kekecna héŋgaleŋ waŋanʒaŋ. Waŋu haʒéchécna ionac qeri gericgina igucnec méraga suluma méra héiganéŋ metecgé néŋanʒaŋ.