Legic 135:11-16

¹¹Qacgina imi Amori ic ionac ic kewu Sihon ʒéma, Basan ic kewu Ok ʒéma, Kanaan baecac ic kewuya ic kewuya momac yanda.

¹²Waŋu baecgina imi Israel ic embachéra ionac buŋa qema énécmiyec.

¹³Yawe, guac qacga imi hémbénaŋa hema kecmac. Yawe, guac qacga imi hémbénaŋa niŋɋeli mimia wammac.

¹⁴Yawenéŋ eŋeya ic embachéra ʒénaŋgé énécmimac. Waŋu weleŋ qeqe ichéra ewa biric niŋénécmimac.

¹⁵Baera baera imuac nemu imi siliwa ʒéma goli, ic méranéŋ memeya.

¹⁶Kua ginagucnéŋ ac ménda ʒéanʒu, kicginagucnéŋ kic hihigina qahac.