Lefii 9:6-14

⁶Ɩlɛnɑ Moisi tɔ sɩ: Nti Tɑcɑɑ tʋ-mɛ tɔɣɔlɛ. Ɩ́ lɑ-tɩ, nɑ Ɩsɔ teeli wɛɛ mǝ hɛkʋ.

⁷Ḿpʋ́ɣʋ́ Moisi tɔmɑ Alɔŋ sɩ: Kpǝtǝnɑ Ɩsɔ kɔtɑɣɑ tǝlɑtɛ nɑ ń lǝsɩ tǝ tɔɔ kɛ́ ɩsɑɣɑtʋ hɩɩsʋɣʋ kɔtɑɣɑ, nɑ ŋkɑ kɔkɔ lusɑ kɑ tǝnɑ tɔ. Ɩlɛnɑ ń lɑ ɩsɑɣɑtʋ hɩɩsʋɣʋ kɔtɑɣɑ kɛ ɩ nɑ yǝlɑɑ pɑ nyɔɔŋ tɔɔ. Pǝ wɑɑlɩ, ɩlɛnɑ ń lɑ yǝlɑɑ nyɔɔŋ tɔɔ kɛ́ kɔtɑɣɑ, nɑ ń lɑ-wɛɣɛ ɩsɑɣɑtʋ hɩɩsʋɣʋ nyǝŋkɑ, ɩsɩɩ Tɑcɑɑ sɩɩʋ tɔ.

⁸Ḿpʋ́ɣʋ́ Alɔŋ kpǝtǝnɑ Ɩsɔ kɔtɑɣɑ tǝlɑtɛ, nɑ ɩ́ lɛntɩ nɑʋle nɑ ɩ́ lɑ-tɛɣɛ ɩ ɩsɑɣɑtʋ hɩɩsʋɣʋ kɔtɑɣɑ.

⁹Ɩlɛnɑ ɩ pǝyɑlɑɑ ponɑ-ɩ tǝ cɑlǝm nɑ ɩ́ lii pǝ tɑɑ kɛ́ mpǝle. Ɩlɛnɑ ɩ́ tɑɑ Ɩsɔ kɔtɑɣɑ tǝlɑtɛ hǝlǝŋɑsɩ tɔɔ, nɑ ɩ́ pǝlɩ-wǝɣɩ tǝ tɛɛ.

¹⁰Kɛlɛnɑ ɩ́ nyɑɣɑsɩ tǝ tɔɔ kɛ́ kpǝntɛ nim cɔlɔ nim cɔlɔ. Nɑ timpee nɑ hɔɔlɛ, ɩsɩɩ Tɑcɑɑ tʋɣʋ Moisi tɔ.

¹¹Pǝ yelɑ nɑntʋ nɑ tɔnʋɣʋ, ɩlɛnɑ pɑ́ lɩɩnɑ tǝsikile wɑɑlɩ nɑ pɑ́ nyɑɣɑsɩ kɔkɔ.

¹²Ḿpʋ́ɣʋ́ Alɔŋ lɛntɑ heu ɑpɑlʋ nyǝŋ wei kɔkɔ lusiɣi ɩ tǝnɑ tɔ. Ɩlɛnɑ ɩ pǝyɑlɑɑ cɛlɛ-ɩ kpǝntɛ cɑlǝm nɑ ɩ́ ŋmɩɩsɩ-wǝɣɩ kɔtɑɣɑ tǝlɑtɛ kɔŋkɔmǝŋ tɑɑ.

¹³Nɑ pɑ́ cɛlɛ-ɩ tɔtɔɣɔ tǝ nyʋɣʋ nɑ tǝ nɑntʋ nɑ pɑ́ sɛtɑ-tǝɣɩ tilimɑ, nɑ ɩ́ nyɑɣɑsɩ-tǝɣɩ Ɩsɔ kɔtɑɣɑ tǝlɑtɛ tɔɔ.

¹⁴Ɩlɛnɑ ɩ́ nyɑɑlɩ pǝ tɑɑ lotu nɑ nɔŋkpɑɑsɩ nɑ ɩ́ nyɑɣɑsɩ-tǝɣɩ nɑntʋ lɛntɩ tɔɔ.