Lefii 6:9-17

⁹Kɔtǝlɑɑ kɑ́ tɔɣɔnɑ pǝ kʋkɑɑsǝm mpǝɣɩ Ɩsɔ lonte tɑɑ kɛ tǝsulle cokǝle kɑtɑɣɑ tɑɑ tǝnɑ. Amɑ pǝ fɛɩ sɩ pɑ́ tǝsɩ pǝ tɔɣɔnɑɣɑ nɑ kʋkʋsʋm kɛ́.

¹⁰Mpi tɔ, kʋhɑʋ ŋku pɑ hɑ Ɩsɔ mɑ tɔ, kʋ tɑɑ kɛ́ mɑ cɛlɑ-wɛɣɛ pɑ pɑɑ tete. Pǝ kɛ́ kɑtɛ tɑɑ kɑtɛ pʋlʋɣʋ, ɩsɩɩ ɩsɑɣɑtʋ hɩɩsʋɣʋ, yɑɑ tɑɣɑnʋɣʋ kɔtɑsɩ nɑntʋ.

¹¹Ɩlɛ Alɔŋ lʋlʋɣʋ nyǝ́mɑ ɑpɑlʋ nyǝ́mɑ tike kɑ́ tɔkǝnɑ pǝ tɔɣɔnɑɣɑ ŋkɛ. Mpi tɔ, kɔtɑɣɑ ŋkɑ pɑ kɔnɑ Tɑcɑɑ kɛ mpʋ tɔ, kɑ hɔɣɔlʋɣʋ kɛ́ pɑ nyǝm kɛ tɑm tɔɔ kɛ́. Pǝ tɔɔ kɛ́ ye yʋlʋ kpɑɩ tʋ wei ɩ tɑ kɛ Alɔŋ lʋlʋɣʋ tʋ tɔ, ɩ tokinɑɑ, ɩsɩɩ ɩ sǝpɑ.

¹²Ḿpʋ́ɣʋ́ Tɑcɑɑ tɔmɑ Moisi sɩ:

¹³Ye pɑ kpɑwɑ Alɔŋ nɑ ɩ pǝyɑlɑɑ kɛ kɔtǝlɑɑ, nɑ pɑ́ pǝlɩ-wɛɣɛ nim, pǝ wɛɛ sɩ pɑ́ kɔŋnɑ-m kʋhɑʋ kɛ mʋlʋm kiloonɑɑ toosoɣo pɑɑ kʋyɑkʋ ŋku. Hɔɣɔlʋɣʋ kɛ tɑnɑŋ nɑ lɛŋkʋ kɛ tɑɑnɑɣɑ.

¹⁴Pɑɑ nuɣuti mʋlʋm mpǝɣɩ nɑ nim, nɑ pɑ́ tʋ́ pǝ pɛtɛpɛtɑɣɑ kɛ nyǝɣǝlʋɣʋ kʋwɑlʋɣʋ tɔɔ. Pǝ wɑɑlɩ ɩlɛnɑ pɑ́ pʋtǝtɩ-kɛ nɑ pɑ́ ponɑ kɔtɑɣɑ tǝlɑtɛ tɔɔ, nɑ Tɑcɑɑ lɑŋlɛ hɛɛnɑ kɔtɑɣɑ ŋkɛ kɑ sɔɔsʋŋ.

¹⁵Ye wɑɑtʋ nɔɣɔlʋ pɑ kpɑ Alɔŋ lʋlʋɣʋ nyǝ́mɑ tɑɑ nɔɣɔlʋɣʋ kɔtʋlʋ sɔsɔ sɩ, ɩ́ lɛɛtɩ kʋpǝŋ lonte. Kʋhɑʋ kʋlʋmʋɣʋ ŋkʋɣʋ ɩ kɑ́ kɔnɑ, nɑ ɩ́ nyɑɣɑsɩ pǝ tǝnɑɣɑ Tɑcɑɑ mɑ́. Pǝ kɛ́ mɑ kiiu tɑm tɔɔ nyǝŋkʋ kɛ́.

¹⁶Ye kɔtʋlʋ kɔnnɑ ɩ mɑɣɑmɑɣɑ ɩ tɔɣɔnɑɣɑ kʋhɑʋ, pǝ wɛɛ sɩ pɑ́ nyɑɣɑsɩ pǝ tǝnɑɣɑ, pǝ tɑɑ pʋlʋ fɛɩ tɔɣɔʋ.

¹⁷Ḿpʋ́ɣʋ́ Tɑcɑɑ tɔmɑ Moisi sɩ: