Leevi 27:30-34

³⁰«Zooi ná-puusiɛiti, é ɠɛni ga zooi ʋa lɔnɔgiti, ɓaa guluiti gaawaaiti, ta ga Ɠɔoɠɔ GALAGI nɔnɔ, ani ʋe feai Ɠɔoɠɔ GALAGI ʋɛ.

³¹Ni nui ta ɠa pɔ é ná-puusiɛi ma anii ta unmɔɔ, toɠa sɔngɔi ma ɠaaɠwɛsu lɔɔlugɔi ɠilazuʋɛ zeɠe, é pɛɛ ba.

³²Puusiɛ vai, nii é ʋilɛsu nikɛiti ba, ta baalagiti, ta boliiti, toganii a leʋena puu, tukpɔi wu, puusiɛi ɠa ve Ɠɔoɠɔ GALAGI ʋɛ.

³³Togani nui la zooga é ʋa ziimazeɠe kɛ, ma ʋagɔi ta ma ɲɔi zu. Nu la ta maavaliboga ga taɠili. Ni nu a ta ʋotogi ɠɛɛna ga taɠili, ti felegɔ ta ɠɛ ga ani ɲadegai, ti la zooga unmɔɔsu.»

³⁴Deveiti kana Ɠɔoɠɔ GALAGI ti veeni Moize ya, Izelayɛle nuiti ta vaa ma, Sinayi gizei ma.