Leevi 21:6-19

⁶Ta ɲade ta-ƓALAGI ʋɛ, ti mina ta-ƓALAGI lɔɠɔi ɠoloɠolo, mazɔlɔɔ ta zalaɠaiti kulazu Ɠɔoɠɔ GALAGI ʋɛ, ná-daamianigi ʋe é ɠalazu abui ɠa. Ti maanɛɛʋɛ, ti ɲade.

⁷Ti la koloɠolo anzanu zeiɗa, ɓaa nii tɔɠɔi ɠoloɠologai. Ti la anzanu zeiɗa, nii sinigi ɠɛlɛai ba, mazɔlɔɔ zalaɠa ɠula nui ɲadegɛ ná-GALAGI ʋɛ.

⁸Wa pɛtɛ ga ɲade nu, mazɔlɔɔ toɠa é daamianigi ɠulazu ga zalaɠai wa-ƓALAGI ʋɛ. Toɠa ɠɛ ga ɲade nu wo ʋɛ, mazɔlɔɔ nɔ̀un ɲadegɛ, nɛ̀i gè ga Ɠɔoɠɔ GALAGI, nii é wo ɲadesu.

⁹Ni zalaɠa ɠula nui ná-doun anzanui a lɔɠɔi ɠoloɠolona ga é lɔ koloɠologi zu, toɠa kɛɛɠɛ lɔɠɔi ɠoloɠolosu, ta gala, é za.

¹⁰«Zalaɠa ɠula nui nii kundiɠilai zea, kɛɛɠɛlointi maazu, nii gulɔ ɲadegai ziaai ma, ta nii zalaɠa ɠula zeɠeiti toai kɔba, é la nɔundeɠaiti zɛga yaɠaba, ta é la ná-seɠeiti balia ga.

¹¹É la lia pooma ɠoba, é la ɓɔɠɔ ɠɔzɔa, anɛɛ ni kɛɛɠɛ a zaana, ɓaa dee.

¹²É la ɠula seizu ɲadegai ʋa, naa ɠa a kɛ é mina seizu ɲadegai ɠɔzɔ, mazɔlɔɔ feeʋɛ bɛ̀ ga nà-siɛma wulɔ ɲadegai maaʋele. Nà ga Ɠɔoɠɔ GALAGI.

¹³«Zalaɠa ɠula nui naa mina anzanu zei, nii é zunu vaa ɠwɛɛ.

¹⁴É la poanza zeiɗa, ɓaa anzanui nii sinigi ɠɛlɛai ba, ɓaa koloɠolo anzanu, ɓaa nii tɔɠɔi ɠoloɠologai, kɛlɛ anzanui a ɠɛ seizu, kɛni é ɠɛ ga ná-bolodai zu anzalopo ɓeai, é la dɛ zunu vaa ɠwɛɛ.

¹⁵Zalaɠa ɠula nui naa la mavofodai lɔɠɔ ɠoloɠologa ná-bolodai zaama, mazɔlɔɔ nà ga Ɠɔoɠɔ GALAGI, nii é tɔun ɲadesu.»

¹⁶Ɠɔoɠɔ GALAGI ɓɔɛni Moize ʋɔ, é ɠɛ ma:

¹⁷«Ɓɔɛ Aalɔn ʋɔ, è ɠɛ ma: È-mavofodai zu zunui tanɔpɛ, nii nɛɛʋuzu ba, naa mina maaɓuɠa ga é ná-GALAGI ná-daamianigi ɠula ga zalaɠai.

¹⁸Zunui tanɔpɛ, nii nɛɛʋuzu a ɠɛ ba, naa la maaɓuɠaa ná ʋa: gaazuɠole nu, ɓaa mɛɠɛlɛ nu, ɓaa nii sokpai maaʋegai, ɓaa baalobazuʋɛ ta zeɠeai kɛʋele ma,

¹⁹ɓaa zunui ta, nii kɔɠɔi ɠaleai, ɓaa zeei,