Leevi 21:18-21

¹⁸Zunui tanɔpɛ, nii nɛɛʋuzu a ɠɛ ba, naa la maaɓuɠaa ná ʋa: gaazuɠole nu, ɓaa mɛɠɛlɛ nu, ɓaa nii sokpai maaʋegai, ɓaa baalobazuʋɛ ta zeɠeai kɛʋele ma,

¹⁹ɓaa zunui ta, nii kɔɠɔi ɠaleai, ɓaa zeei,

²⁰ɓaa zunui ta, nii gɔgɔi polu, ɓaa é ga kutui, ɓaa gaazu wana nu, ɓaa dɔɠɔi ma, ɓaa kulama zeeɓɛi ba, ɓaa nii pɔlɔɠɛzɛɠain woloai.

²¹Zalaɠa ɠula nui Aalɔn mavofodai zu, zunui tanɔpɛ nii nɛɛʋuzu ba, naa mina maaɓuɠa ga é ʋa zalaɠaiti kula, ti ɠalazu abui ɠa. Tɛi nɛɛʋuzuʋɛ ba, é mina maaɓuɠa, é ʋa ná-GALAGI ná-daamianigi ɠula ga zalaɠai.