Leevi 19:6-10

⁶Ma zuai ɠa mi foloi wo kulazu la ga zalaɠai, ɓaa poluma zobui. Nii é yɛsu ná eyɛsu foloi zaʋasiɛi, naa ɠa ɠala.

⁷Foloi zaʋasiɛi, ni nu a ta miina, toɠa ɠɛ ga anii kɔzɔai, zalaɠai laa la mɔ zoga.

⁸Zɔi a ta miina, ná-faaɠaaza golai ma ɠasɔi ɠa la unma, mazɔlɔɔ toɠa naa ɠɔzɔzu, nii feai Ɠɔoɠɔ GALAGI ʋɛ, naama nui ɓe ka leʋe ná-nuɓusɛiti ba.

⁹«Siɛgi zu wo moloi leʋezu la wa-yooi zu, wa kpala kpelamaʋɛ yɛ ná, wo mina ná leʋe, wo mina ɠale ma posuyɛʋɛi ma.

¹⁰À mina ani ɠɔpɔgiti kula ɓalaa, niiti ti yɛgai wa-leezɛn ɓelei zu. À mina ma waaiti zɛʋɛ, niiti ti loozu. Wa naa yɛ ná bala nuiti bɛ, ta seikɔɠɔma nuiti. Nà ga Ɠɔoɠɔ GALAGI, wa-ƓALAGI.