Leevi 18:8-22

⁸«Mina la è-ɠɛɛ anzai taɠili koba. Toɠa ɠɛ ga è-ɠɛɛ unfe faa.

⁹«Mina la è-ʋaazeelai ɠoba, è-ɠɛɛ ná-doun anzanui ʋe, ɓaa è-lee ná-doun anzanui, anɛɛ ni kulaʋɛ su pɛlɛyeɠei taɠili bu.

¹⁰«Mina la ga è-loun zunui ná-doun anzanui, ɓaa è-loun anzanui ná-doun anzanui, mazɔlɔɔ ɗa-unfe faa ʋe, ɗa ɓɔɠɔi.

¹¹«Mina la ga è-ɠɛɛ anzai taɠili ná-doun anzanui. Toɠa ga è-ɠɛɛ ná-doun anzanui. Toɠa ga è-ʋaazeelai.

¹²«Mina la ga è-ɠɛɛ ʋaazeelai. Toɠa ga è-ɠɛɛ ná-nu ɠiteɠitegi.

¹³«Mina la ga è-lee diɛ ɓaa deɠe anzanu, mazɔlɔɔ è-lee ná-nu ɠiteɠitegi ʋe.

¹⁴«Mina la ga è-ɠɛɛ diɛ ɓaa deɠe zunui anzai, mazɔlɔɔ toɠa ga è-lee.

¹⁵«Mina la ga è-loun anzai. Toɠa ɠɛ ga è-loin unfe faa.

¹⁶«Mina la ga è-ɠɛɛloin anzai. Toɠa ɠɛ ga è-ɠɛɛloin unfe faa.

¹⁷«Mina la ga anzanui, ta ná-doun anzanui. È la ná-doun zunui ná-doun anzanui zeɠea, ɓaa ná-doun anzanui nɔnɔ ma loun anzanui, mazɔlɔɔ ta ga ná-nu ɠiteɠitegiti, naa ɠa ga faa ɲɔu wola.

¹⁸«Ni è-anzai ɠa dɛ vulua, mina diɛ ɓaa deɠe anzanui ta zeɠe ga è-anza. Ɗa toloi lɔ ti yɔɠɔzu.

¹⁹«Mina la ga anzanui ná-alu kaa ziɛgi zu, nii é tɔun kɔzɔzu.

²⁰«Mina la ga è-zeiɲɔɠɔi anzai, ɗa ɓɔɠɔ ɠɔzɔ la.

²¹«Mina è-loin tanɔpɛ kula ga zalaɠa, é ʋa ɠala kɔɔɠɔ ganigi ʋɛ daa ga Mɔlɔke, dɛbi vaa ma, è la ɗa-ƓALAGI lɔɠɔi ɠoloɠologa. Nà ga Ɠɔoɠɔ GALAGI.

²²«Mina la ga zunu, eɠɛʋelei nu a laa la ga anzanui. Naa ɠa ga kɔzɔba vaa.