Leemiso Maxaafaa 9:4-16

⁴“Inttenoo, eri paccidoogeetoo hagaa gelite!” yaagidosona. Eeyyatakka a hagaadan yaagaasu;

⁵“Haa yiite; yiidi ta qumaa miite; taani agido woiniyaa eessaakka uyite!

⁶Eeyyatettaa aggidi, shemppoora paxa de7ite; akeekaa ogiyan hemettite” yaagausu.

⁷Qilliicciya uraa seeriya asi bau cashshaa ekkees; iita uraa zoriyaageekka bau qohettees.

⁸Qilliicciya uraa zoroppa; zorikko i nena ixxana. Aadhdhida eranchcha uraa zora; zorikko i nena siiqana.

⁹Aadhdhida eranchcha uraa tamaarissa; yaatikko, i kaseegaappekka aadhdhida eranchcha gidana. Xillo uraakka tamaarissa; yaatikko i eraa gujjana.

¹⁰Aadhdhida eratettaassi doomettai GODAASSI yayyiyoogaa; Geeshsha GODAA eriyoogee akeekiyoogaa.

¹¹Tanan aadhdhida eratettan laittai darana; ne bareekka aduqqana.

¹²Neeni aadhdhida eranchcha gidikko, ne huuphiyau go7ettaasa. Neeni qilliicciyaagaa gidikkokka, ne huuphiyau qohettaasa.

¹³Issi Eeyyo giyo maccaasiyaa wocama darausu; iyyo yeelli baawa; a ainne erukku.

¹⁴A ba karen, woikko katamaassi xoqqa sohuwan oidiyan uttausu.

¹⁵Uttada suure bantta ogiyaa oiqqidi biya asaa xeesausu; xeesada,

¹⁶“Inttenoo, eri paccidoogeetoo, taakko haa yiite” yaagausu. Akeeki bainnaagaakka,