Leemiso Maxaafaa 27:6-17

⁶Morkkee nena darotoo yeriyoogaappe siiqoi nena dechchiyoogee keha.

⁷Kallida uraa eessaa ililoi iitees; shin namisettida uraa cammiyaabaikka mal77ees.

⁸Ba soo aggidi yuuyiya asi, ba keettaappe haakkada paalliya kafee mala.

⁹SHittoinne sawiya ixaani asaa ufaissiyoogaadan, siiqo laggiyaa zoreekka ufaissees.

¹⁰Ne siiqo laggiyaanne ne aawaa siiqo laggiyaa aggoppa; nena metido wode ne ishaa soo booppa. Haahuwan de7iya ishaappe matan de7iya shooroi keha.

¹¹Ta na7au, neeni aadhdhida eranchcha gida. Yaatiyaakko taani ufaittananne tana boriyaageetu oishaakka zaarana.

¹²Cincca asi metoi yiyo wode be7idi qosettees; shin akeekai paccido asi sitti gi biidi, metuwan gelees; yaatidi guyyeppe wai ana gees.

¹³Erenna asau waase geliya uraa maayuwaa qaari ekkite; imatta asau, waase gelida uraa maayuwaa oiqqite.

¹⁴Maallado guuran ba qaalaa xoqqu oottidi, ba shooruwaa sarotiyoogee a qanggiyoogaa mala.

¹⁵Walassada duuxxenna machchiyaanne irai bukkin xokkidi aggenna aatoi issi mala.

¹⁶Carkko teqqanau woikko zaite cuccumidi oiqqanau danddayettennaagaadan, o co77u oottanau danddayettenna.

¹⁷Biratai birataa poshiyoogaadan, asai issoi issuwaappe tamaarees.