Leemiso Maxaafaa 27:17-27

¹⁷Biratai birataa poshiyoogaadan, asai issoi issuwaappe tamaarees.

¹⁸Balase giyo mittiyo ishalissidi naagida uri i aifiyaa maana; bana aissidaagaa kabboyiya ashkkarai bonchchettana.

¹⁹Haattai heregaadan som77uwaa bessiyoogaadan, aawu wozanai aawu eeshshaa bessees.

²⁰Haiqoinne bashshi kalli erokkona; hegaadankka, asa amoi kallenna.

²¹Birainne worqqai taman paacettidi geeyiyoogaadan, asikka ba ekkiyo galatan paacettees.

²²Eeyya asa kattaara udulan yeggada, udula mittan caddiyaakko, appe eeyyatettai kichchenna.

²³Ne dorssati de7iyo hanotaa loittada era; ne mehiyaa wudiyaakka wozanappe heemma.

²⁴Aissi giikko, duretettai merinau de7enna; kallachchaikka yeletaappe yeletau aadhdhennan agganau danddayees.

²⁵Mela maatai buucettidoogaappe, aaca maatai kiyidoogaappenne deriyaa bollan de7iya maatai shiiqidoogaappe guyyiyan,

²⁶dorssatu ikisiyaappe neeni neeyyo maayiyoobaa kessana; deeshshata baizzido birankka neeyyo gadiyaa shammana.

²⁷Attiya deeshshatu maattai neessi, ne so asaassinne ne macca ashkkaratussi quma gidana.