Leemiso Maxaafaa 22:14-25

¹⁴SHaaramuxa maccaasee doonai ciimma ollaa mala; GODAI hanqqettido uri a giddon kunddees.

¹⁵Na7a wozanaa azallatettai baqqi oiqqees; shin qaixaariyan qaxxayiyoogee appe haassees.

¹⁶Baayyo aquwaa gujjana giidi, hiyyeesaa naaqqiyaageenne duriyaassi imuwaa immiyaagee naa77aikka hiyyeesana.

¹⁷Ne haittaa haa yeggada, aadhdhida eranchchai odiyoobaa siya; ne wozanaakka ta eraakko zaara.

¹⁸Aissi giikko, eta ne wozanan wottikkonne ne doonankka eta ubbaa hassayikko, neeni ufaittana.

¹⁹Ne ammanoi GODAN gidana mala, taani nena - ee nena - hachchi tamaarissaas.

²⁰Taani neessi zoreenne eratettai de7iyo hasttamu leemisota xaafoohoo!

²¹Nena kiittidaagaayyo neeni likke zaaruwaa zaarana mala, taani nena tumatettaa tamaarissaas.

²²Hiyyeesatussi aibinne bainna gishshau, etabaa bonqqoppa; shilootankka metootanchchatu maataa xaissoppa.

²³Aissi giikko, GODAI eta gishshaa mootettana; eta bonqqidaageetakka i bonqqana.

²⁴Hanqqettiya uraara laggetoppa; hanqqettanau eesotiya uraarakka zuppetoppa.

²⁵Neeni a hanuwaa meezetikko, guyyeppe agganau danddayakka.