Leemiso Maxaafaa 17:13-25

¹³Lo77o oottidoogaa kushiyaa iitaa zaariya uraayyo iitai a sooppe mulekka kichchenna.

¹⁴Ooshshai doommiiddi, zeeruwaa xuussiya haattaa mala; hegaa gishshau, ooshshaappe kasetada palamaa aggaaga.

¹⁵Nagaranchchaa xillissiyoogeenne xilluwaa bolli pirddiyoogee eti naa77aikka GODAA sheneyiya ooso.

¹⁶Akeekiya wozani au bainnaashin, eeyyaa kushiyan aadhdhida eratettaa shammiyo miishshai aibissi de7ii?

¹⁷Laggee mule wodekka siiqees; ishaikka metuwaa wode maaddanaassi yelettees.

¹⁸Akeekai paccido asi erenna uraa acuwaa qanxxanau waase gelees.

¹⁹Ooshshaa dosiya asi nagaraa dosees; ubbatoo ceeqettiya asi bashshaa ba bolli xeesees.

²⁰Geella qofai de7iyo asi lo77obaa demmenna; shikkaalobaa haasayiya asikka metuwan gelees.

²¹Azalla na7aa yelida aawi azzanees; eeyya na7aa aawau ufaissi baawa.

²²Wozani ufaittiyoogee asassi lo77o xale; shin kayyottiyoogee asau wolqqaa xaissees.

²³Iita daannai pirddaa geellayanau geeman mattaayiyaa ekkees.

²⁴Akeekai de7iyo uri aadhdhida eratettaa sinttan wottidi bees; shin eeyyaa aifee biittaa sa7aa xanxxaa yuuyidi xeellees.

²⁵Azalla na7ai ba aawaa azzanissees; bana yelida aayyiyookka zil77issees.